ÁSKRIFTARLEIÐ
Komdu í áskrift! Yfir 140 aðgengilegir þættir fyrir aðeins 1.390 kr. á mánuði - skoða hér.
2.1M
Downloads
275
Episodes
Spjöllum saman um morð, mannshvörf, raðmorðingja og dularfull dauðsföll sem eru bæði leyst eða óleyst mál! Nýr þáttur kemur út alla miðvikudaga. Þú finnur okkur á facebook og instagram: Morðskúrinn. www.pardus.is/mordskurinn
Episodes
Wednesday Aug 04, 2021
Wednesday Aug 04, 2021
Þessi þáttur er í boði Covid og er hann því álíka mikill kúkur.
Þann 15. nóvember árið 2004 fannst Peter Porco látinn á neðri hæðinni heima hjá sér, og konan hans Joan var að berjast fyrir lífi sínu í rúminu þeirra á efri hæðinni. Óprúttinn aðili hafði gengið inn til þeirra og hoggið þau ítrekað með exi í andlitið. Exin var í eigu fjölskyldunnar og engu var stolið frá heimilinu. Báðir synir þeirra sluppu enda voru þeir í 300km+ fjarlægð, en þegar skoðað var allar hliðar máls þá kom í ljós mjög truflandi uppgötvun.
Tuesday Aug 03, 2021
Tuesday Aug 03, 2021
Monika Rizzo var 44 ára gömul þegar hún gekk útaf vinnustað sínum og sást þar aldrei framar. Nokkrum dögum síðar var hún horfin fyrir fullt og allt og eiginmaður hennar allt annað en áhyggjufullur. Synir hennar og foreldar þó voru logandi hrædd um afdrif Moniku og lögðu allt í leit sína að henni.
Það átti eftir að koma í ljós að líkamsleifar væru að finna í bakgarði Rizzo fjölskyldunnar en lögreglan var nú samt frekar slök yfir þessu öllu saman.
Allt bendir til eins aðila en það fæst með engu sannað og því er mál Moniku Rizzo óleyst ennþá daginn í dag.
Wednesday Jul 28, 2021
Wednesday Jul 28, 2021
Árið 1978 fóru fimm vinir saman á körfuboltaleik, þeir Ted 32 ára, Bill 29 ára, Jack 24 ára, Jackie, 30 ára og Gary Mathias 25 ára. Þeir áttu það allir sameiginlegt að vera með fötlun og bjuggu í foreldrahúsi, og því vakti það óhug þegar þeir mættu ekki heim til foreldra sinna eins og vaninn var á hverju kvöldi. Lögreglan var mjög skeptísk til að byrja með, enda taldi hún bara að nú væri sko tíminn sem þeir ætluðu sér að djamma og hafa gaman af lífinu. Dagarnir liðu og ekkert bólaði á þeim en það var ekki fyrr en þeir fengu símtal frá móturhjólagengi sem lögreglan fór að taka hluti aðeins alvarlegri.
Í þessum þætti kynnum við ykkur einnig fyrir nýju hlaðvarpi sem við stöllur erum að hefja, en í því munum við einmitt fjalla um dularfulla og óútskýranlega atburði, óvenjulegar frásagnir fólks og samsæriskenningar - allt það dularfulla sem í raun passar ekki beint í Morðskúrinn. Þetta mál var innblástur fyrir það hlaðvarp sem mun hefja göngu sína fyrr en síðar.
Tuesday Jul 27, 2021
Tuesday Jul 27, 2021
Leah Croucher var 19 ára þegar hún hvarf sporlaust á leið til vinnu í heimabæ sínum í Bretlandi. Hún vaknaði um morguninn, græjaði sig fyrir vinnu og hélt af stað gangandi en í vinnuna skilaði hún sér aldrei
Leah hafði aldrei valdið foreldrum sínum áhyggjum eða gefið neinum einhverja ástæðu til að óttast um hana fram að þessu.
Hvað kom raunverulega fyrir Leuh er með öllu óútskýranlegt en maður sem við köllum Herra X gæti vitað eitthvað en hefur kosið að segja ekki orð.
Hann kemst upp með það og samkvæmt lögreglu er búið að hreinsa hann af öllum grun.
Saturday Jul 24, 2021
Saturday Jul 24, 2021
Jæja seint koma sumir en koma þó!
Hér er þátturinn sem vantaði síðasta miðvikudag
En í þessum þætti fjöllum við um Pelu Atroshi. Pela var fædd í norður Írak og var ein af 10 börnum foreldra sinna. Vegna báglegra aðstæðna í Dohouk heimabæ Pelu fluttist fjölskyldan alla leið til Svíþjóðar. Þar braggaðist Pela verulega vel og aðlagaðist sínu nýja sænska lífi fljótt. Föður hennar til mikillar ama breyttist Pela mikið og tók hann ásamt afa Pelu afdrifaríka ákvörðun.
Tuesday Jul 20, 2021
Tuesday Jul 20, 2021
Við förum alla leiðina til Brasilíu í þetta sinn, en árið 2015 týndist 7 ára Beatriz í útskriftarveislu systur sinnar og á innan við klukkutíma fannst hún látin í kompu í skólanum þar sem athöfnin var haldin. Myndbandsupptökur frá fyrirtækjum í nágrenninu sýna meðal annars mann fyrir utan skólann kvöldið sem hún lést, að taka upp hníf frá yfirborðinu og stinga honum í sokkana sína. Hann labbar síðar inn í skólann - en sökum þess að slökkt var á ljósum á gögnum skólans og myndavélakerfið var með hreyfiskynjara, þá sást voða lítið um hvern var að ræða.
Thursday Jul 15, 2021
Thursday Jul 15, 2021
Francine Hughes kynntist eiginmanni sínum þegar hún var bara rétt rúmlega 15 ára - hún var ekki nema 16 ára gömul þegar hún gekk í hjónaband sem hún taldi sig ekki komast hjá að ganga í.
Mickey, eiginmaður Francine var alla tíð mjög vondur við hana en andlegt og líkamlegt ofbeldi var ríkjandi inn á heimili þeirra. Mickey stóð á sama að börnin hans horfðu upp á ástandið og versnaði og versnaði með árunum.
Það var svo árið 1977 sem Francine fékk endanlega nóg og við förum yfir atvikið í þessum þætti
Thursday Jul 15, 2021
Thursday Jul 15, 2021
Cynthia Jane Anderson var tvítug þegar hún hvarf sporlaust úr vinnunni sinni 10 dögum áður en hún ætlaði að fara á vit ævintýranna og hefja nám með kærastanum sínum í Biblíuskóla. Henni hafði verið búið að dreyma sl. árið, um að einn daginn yrði henni rænt, og einnig voru áreitandi símtöl í hennar garð sem flykktust inn á hennar borð, bæði heim til hennar og í vinnuna. Það var hádegi, í verslunarmiðstöð, að degi til sem hún hvarf, og ekki er vitað hvar hún er niðurkomin en nokkrar kenningar hafa myndast í kjölfar hvarfsins.
Wednesday Jul 07, 2021
Wednesday Jul 07, 2021
Þegar Candace Hiltz finnst myrt inn á heimili sínu gengur lögreglan út frá því að bróðir hennar sé sá seki.
Fjölskyldan hennar er þó mjög ósammála því enda umræddir lögregluþjónar menn sem Candice hefði átt í útistöðum við nokkrum dögum áður og meðal annars staðið í hótunum við þá - að koma upp um ekki mjög heiðarleg vinnubrögð að þeirra hálfu
Morðið hefur aldrei verið upplýst en ég er nokkuð viss um að við séum öll sammála hver stendur að baki ástæðunnar að málið fær ekki að leysast.
Tuesday Jul 06, 2021
Tuesday Jul 06, 2021
Í ágúst árið 1982 fara Bentley hjónin ásamt dóttur sinni Jackie, og hennar fjölskyldu í útilegu í Wells Gray héraðsgarðinn í Kanada. Eftir tvær vikur skila þau sér ekki heim, og strax hefst leit af þeim. Hvernig gat 6 manna fjölskylda horfið sporlaust og skilið engin ummerki eftir sig? Eftir víðamikla leit sem skilaði engum árangri fær lögreglan vísbendingu frá heimamanni, sem fann eitthvað óvenjulegt á svæðinu.
Við vörum við atriðum í þættinum, en tveir meðlimir þessarar 6 manna fjölskyldu eru 11 ára og 13 ára.